राजधानी रायपुर म प्रतिबंधित सिरप बेचत पकड़ईस एक युवक, 10 हजार के 80 बोतल घलो होईस जप्त

रायपुर(IBN-24न्यूज़)  राजधानी रायपुर म एक घंव फेर प्रतिबंधित कफ सिरप के संग युवक ल पुलिस ह गिरफ़्तार करे हवय। मामला कोतवाली थाना क्षेत्र के शैलेन्द्र नगर इलाका के हरे। जिहां पुलिस ल मुखबिर ले सूचना मिले रिहीस कि आरोपी 29बछर के अजय दखवानी अपन किराये के मकान म प्रतिबंधित कफ़ सिरप रख के ओला बेचे बर ग्राहक खोजत हे। सूचना मिलत ही पुलिस टीम ह मऊका म पहुँच के आरोपी के घर ले तकरीबन 10 हज़ार मूल्य के 80 बोतल प्रतिबंधित कफ़ सिरप ल जब्त करे हे। पुलिस ह बतईस की आरोपी के तीर ले 2 मोबाइल फोन के संग बेचे के नगद रकम घलो बरामद करे गे हे। आरोपी अजय दखवानी के खिलाफ NDPS एक्ट के धारा 21 सी म मामला दर्ज करके अग्रिम कार्यवाही करे जावत हे।